ސަސް ކޮފީ ކްލަބްގެ ލައިވް ބޭންޑް ނައިޓް އަންނަ ހުކުރު ދުވަހު އެ ރެސްޓޯރެންޓުގައި ބޭއްވުމަށް ނިންމައިފިއެވެ.
މި އިވެންޓް ފެށޭނީ ހުކުރު ދުވަހުގެ ރޭ 20:30 ގައެވެ. އިވެންޓުގެ ސައުންޑާއި ލައިޓް ޕާޓްނަރަކީ ސޮލިޑް ލައިޓްސް އެންޑް ސައުންޑެވެ. އަދި މި ލައިވްގައި ރާއްޖޭގެ އެންމެ ވަރުގަދަ މިއުޒިޝަނުންގެ ތެރޭގައި ހިމެނޭ އާޓިސްޓުން ހިމެނެއެވެ. މި ލައިވް އިވެންޓަށް ދިއުމަށް އެއްވެސް ޓިކެޓެއް ނުވަތަ ކޫޕަނެއް ނަގާކަށް ނުޖެހެއެވެ.
ސަސްގެ މެނޭޖުމަންޓުގެ ފަރާތުން މައުލޫމާތު ލިބުނު ގޮތުގައި އެތަނުގެ އަމާޒަކީ ކޮންމެ ހުކުރު ދުވަހެއްގެ ރޭގަނޑު ކަަސްޓަމަރުންނަށް ދިވެހި މިއުޒިޝަނުންގެ ހުނަރުވެރި ޕާފޯމެންސްތަކެއް ގެނެސްދިނުމެވެ.
ސަސް ކޮފީ ކްލަބަކީ ކުޅިވަރު ކުޅުންތެރިންނާއި މިއުޒިޝަނުން ބާރުވެރި ކުރުމަށް ސަޕޯޓު ދޭ ބައެކެވެ. މި ކެފޭ ހުންނާނީ ކާމިނީ މަގުގައެވެ.
