25 ފަޅުވެރިންނާއެކު މަހަށް ނިކުމެ އުޅުނު މަސްދޯންޏެއް ބިންދައިގެން ހިނަގައްޖެއެވެ.
އެމްއެންޑީއެފުން ބުނީ ގއ.ދެއްވަދޫގެ އުތުރުން 8.95 ނޯޓިކަލް މޭލު ބޭރުގައި 25 މީހުންނާއެކު މަސްވެރިކަން ކުރަމުން ދިޔަ ”މޯހިރި“ ނަމަކަށް ކިޔާ ދޯނީ މޫސުން ގޯސްވެ ދޯނި މެދުން ބިންދައިގެން ގޮސްގެން ސިފައިންނަށް ރިޕޯޓް ކޮށްފައިވާ ކަމަށެވެ. ދޯންޏަށް އެހީތެރިކަން ފޯރުކޮށްދިނުމުގެ މަސައްކަތް ކޯސްޓްގާޑުގެ ސިފައިން މިހާރު ވާނީ ފަށާފައެވެ.
ބިންދައިގެން ދިޔަ މަސްދޯންޏަކީ އައްޑޫ ސިޓީއަށް ނިސްބަތްވާ ދޯންޏެކެވެ.
މިދުވަސްވަރަކީ ރާއްޖޭގެ ބޮޑު ސަރަހައްދަކަށް މޫސުން ގޯސް ދުވަސްވަރެކެވެ. މިއަދުވެސް ރާއްޛޭގެ ގިނަ ސަރަހައްދުތަކަށް މޫސުން ގޯސްވާނެ ކަމަށް މޫސަމާބެހޭ ގައުމީ އިދާރާއިން ވަނީ ބުނެފައެވެ.
