އިދިކޮޅު ސިޔާސީ ލީޑަރު ރައީސް އަބްދުﷲ ޔާމީން އަބްދުލް ގައްޔޫމް އަކީ އެއް އިރަކުވެސް ގާނޫނާއި ގަވާއިދުތަކާއި ހިލާފުވާނޭ ބޭފުޅެއް ނޫންކަމަށް މަޑުއްވަރީ ދާއިރާގެ މެންބަރު އަދި ކުރީގެ ޑިފެންސް މިނސްޓަރ އާދަމް ޝަރީފް އުމަރު ވިދާޅުވެއްޖެއެވެ.
އާދަމް ޝަރީފް މިހެން ވިދާޅުވީ ރާއްޖެ އެމްމީއިން ”ރައީސް ޔާމީން ގެ އެންގެވުމަށް ޕީޕީއެމް/ޕީއެންސީ އިން ސަރުކާރަށް ޕްރެޝަރުކުރުމަށް ހަރަކާތްތަކަށް ތައްޔާރުވަނީ“ މިނަމުގައި ޝާއިއު ކޮށްފައިވާ ހަބަރު ދޮގު ކުރައްވަމުން ކުރެއްވި ޓްވީޓެއްގައެވެ.
އާދަމް ޝަރީފް ވިދާޅުވީ ރައީސް ޔާމީން ޖަލުގައި ހުންނެވި ދުވަސްވަރު ވެސް ޕީޕީއެމް/ޕީއެންސީ އިން ސިޔާސީ ހަރަކާތްތަށް ހިންގި ކަމަށާއި، ލޮކްޑައުން ނިމުމުން ސިޔާސީ ހަރަކާތްތަށް ފެއްޓޭނެކަމުގައެވެ. އަދި އެއީ ރައީސް ޔާމީން އަންގަވައިގެން ކުރައްވާ ކަންކަމެއް ނޫން ކަމުގައިވެސް އާދަމް ޝަރީފް ވިދާޅުވިއެވެ.
”ރައީސް ޔާމީނަކީ އެއްއިރަކު ވެސް ގާނޫނާއި ގަވާއިދުތަކާއި ހިލާފުވެ ވަޑައިގަންނަވާނޭ ބޭފުޅެއް ނޫން“ އާދަމް ޝަރީފް ވިދާޅުވިއެވެ.
Kandaelhigen dhogeh! RY jalugai hunnevi iruves PPMPNC in siyaasee harakaaiy hingi. Lockdown nimey irah siyaasee harakaaiy fattaane. E ee RY angavaigenneh noon. RY akee eh irakuves qaanoonuthakaai qawaaidhuthakaa khilaafuve vadaigannavaane beyfulhehnoon! https://t.co/FljPl7fFn4
— Adam Shareef Umar (@Adamshareefz) July 2, 2021
ރާއްޖެ އެމްވީގެ މި ހަބަރަށް ގިނަ ބަޔަކު އަންނަނީ ފާޑުކިޔަމުންނެވެ. އަދި އެ ނޫހުގެ ބޭނުމަކީ ފިތުނަ އުފެއްދުން ކަމަށް އެ ހަބަރު ހިއްސާ ކުރި ގިނަ ބަޔަކު ބުނެފައި ވެއެވެ.
