މުދައްރިސުންގެ ހައްގުތައް ފުރިހަމައަށް ހޯދައިދިނުމަށް ސަރުކާރާއި، އެންމެހައި ފަރާތްތަކުން މަސައްކަތްކުރުމަށް މާލެ ސިޓީ ކައުންސިލްގެ މޭޔަރ ޑރ. މުހައްމަދު މުއިއްޒު ގޮވާލައްވައިފި އެވެ.
މިއަދު ފާހަގަކުރަމުންދާ މުދައްރިސުންގެ ދުވަހުގެ ތަހުނިޔާތައް ފޮނުއްވަވައި، ކުރެއްވި ޓުވީޓެއްގައި މުއިއްޒު ވިދާޅުވީ ގައުމު ބިނާކުރުމުގައި އެންމެ މުހިންމު އެއް ދައުރެއް އަދާކުރާ ފަރާތަކީ މުދައްރިސުން ކަމަށެވެ. އެހެންކަމުން މުދައްރިސުންގެ ހައްގުތައް ފުރިހަމައަށް ހޯދައިދިނުމުގައި ސަރުކާރާއި، ކަމާއި ގުޅުންހުރި އެންމެހައި ފަރާތްތަކުން މަސައްކަތްކުރުމަށް މުއިއްޒު ގޮވާލެއްވި އެވެ.
ޑރ.މުއިއްޒު ވިދާޅުވިގޮތުގައި މުދައްރިސުންގެ ހައްގުތައް ހޯދައިދިނުމުގައި އެންމެހައި ފަރާތްތަކުން މަސައްކަތްކުރުމަކީ ގައުމުގެ މިއަދުގެ މުސްތަގުބަލަށް އެންމެ މުހިންމު ކަންތަކެވެ.
Qaumeh binaa kurumugai emme muhimmu eh dhauru adhaakuraa faraathakee shakkevves neigothugai mudharrisun.
Teacharunge hagguthah furihamayah hoadhaidhunimugai sarukaaraa emmehaa faraaaithakun masakkai kurumakee qaumuge miadhaa musthaqbalah ehaame muhimmu kamehHappy Teachers Day! pic.twitter.com/utyn2QpTe0
— Dr Mohamed Muizzu (@MMuizzu) October 5, 2022
ބައިނަލްއަގުވާމީ މުދައްރިސުންގެ ދުވަހުގެ ގޮތުގައި ފާހަގަކުރަމުން އަންނަނީ ކޮންމެ އަހަރެއްގެވެސް އޮކްޓޯބަރު މަހުގެ 5 ވަނަ ދުވަހެވެ.
