މީހަކު ޖަލަށްލައިފިއްޔާ ބަޔަކު މީހުން އަބަދުވެސް އެއީ އަނިޔާއެކޭ ކިޔާނެ ކަމަށާއި، އެކަން އަނިޔާއަކަށް ނުވާނެ ކަމުގައި އެމްއެމްއާރްއެމްގެ ލީޑަރު އަދި ކުރީގެ ރައީސް މައުމޫން އަބްދުލްގައްޔޫމް ވިދާޅުވެއްޖެއެވެ.
ރައީސް މައުމޫން މިހެން ވިދާޅުވީ ރޭ ވީޓީވީގެ “ބޮޑުފެންޑާ” ޕްރޮގްރާމްގައި ވާހަކަފުޅު ދައްކަވަމުންނެވެ.
”ގާނޫނުގައި ބުނާ ގޮތުގެ މަތީން މީހަކު ޝަރީއަތަށް ހުށަހަޅައިގެން، ކުށް ސާބިތުވެގެން ޖަލަށްލާން ނުވަތަ އަރުވާލަން ހުކުމް ކުރުމުން ޖަލަށްލުމަކީ އަނިޔާއެއް ނޫން. އެއީ އަދުލު އިންސާފު.“ ރައީސް މައުމޫން ވިދާޅުވިއެވެ.
މައުމޫން ވިދާޅުވީ އެމަނިކުފާނުގެ ވެރިކަމުގައި ކުށް ނުކޮށް ހުރި މީހަކު ޖަލަށް އަދި އަރުވާލާފައި ނުވާނެ ކަމަށާއި އެ ކަންކަން ކުރިއަށް ގޮސްފައި އޮންނާނީ ގަވާއިދުގެ ތެރެއިން ކަމަށެވެ.
ރައީސް މައުމޫންގެ ވެރިކަމަކީ އެންމެ އަނިޔާ =ވެރި ވެރިކަން ކަމަށް އެމްޑީޕީން އައީ ކުރިން ބުނަމުންނެވެ. އެކަމަކު މިހާރު ރައީސް މައުމޫން އާއި އެމްޑީޕީ ސަރުކާރު ތިބީ އެއްގަލަކަށް އަރައެވެ.
އެހެންވިއްޔާ ޖަލުގައި ހުންނަންޖެހޭ މީހަކު ތިހުރީ ދޫވެފައިކަމަށް ޤަބޫލުކުރަނީތާ!