ޔޫތު މިނިސްޓްރީ އަށް މިއަހަރަށް ކަނޑައެޅި ބަޖެޓް ހުސްވެއްޖެއެވެ.
އެ މިނިސްޓްރީ އަށް ކަނޑައެޅި ބަޖެޓް ހުސްވުމާ ގުޅިގެން، ކުރިން އެތަނުގެ ދަށުން ހިލޭ ދޫކުރަމުން އައި ތަންތަން މިހާރު ކުއްޔަށްދޭ ކަމަށް ބުނެ ނޫހަކުން ގެނެސްދިން ޚަބަރަކާ ގުޅިގެން ރައްދު ދެއްވައި ޔޫތު މިނިސްޓަރު އަހުމަދު މަހުލޫފް ކުރެއްވި ޓްވީޓެއްގައި ވިދާޅުވީ ކުރީގެ ރައީސް ޔާމީން އަބްދުލްގައްޔޫމުގެ ވެރިކަމުގައި ދެއްވި ބަޖެޓުން އަހަރު ނިމުނު އިރު 200 މިލިއަން ރުފިޔާ ބާކީކުރުމުން، އޭގެ ފަހުން ބަޖެޓު ކުޑަކުރެއްވި ކަމަށެވެ.
ރައީސް ޔާމީނުގެ ވެރިކަމުގަ ދެއްވި ބަޖެޓުން އަހަރު ނިމުނުއިރު 200 މިލިއަން ރުފިޔާ ބާކީކުރުމުން،އޭގެފަހުން ބަޖެޓު ކުޑަކުރެއްވި.
އަޅުގަނޑުމެން މިތިބީ ފަތުއަޑުކިޔާފަ މަސައްކަތުގަ،ބަޖެޓު ހުސްވީމާ އިތުރަށް ބޭނުންވާ ފައިސާވެސް ލިބިއްޖެ.MDP ކޮންގްރެސްގެ ކުއްޔަށް ފަސްލައްކަ ލިބުނު.ގޯސް؟ https://t.co/NYbBl74FTe
— Ahmed Mahloof (@AhmedMahloof) August 30, 2022
”ނަމަވެސް އަޅުގަނޑުމެން މި ތިބީ ފަތުއަޑުކިޔާފައި މަސައްކަތުގައި. ބަޖެޓު ހުސްވީމާ އިތުރަށް ބޭނުންވާ ފައިސާ ވެސް ލިބިއްޖެ.“ އޭނާ ވިދާޅުވި އެވެ.
ކުއްޔަށް ތަންތަން ދީގެން ފައިސާ ހޯދާކަން ދިފާއުކޮށް މިނިސްޓަރު ވިދާޅުވީ އެމްޑީޕީގެ ކޮންގްރެސް ބާއްވަން ސޯޝަލް ސެންޓަރު ދީގެން ބަޖެޓަށް 500،000ރ. ވަން ކަމަށެވެ. އަދި އެވަރު މަދުތޯ ސުވާލުކުރައްވާފައިވެ އެވެ.
އެމްޑީޕީގެ ހަތަރު ވަނަ ކޮންގްރެސް ބޭއްވީ މި މަހުގެ 19 އިން 21 އަށެވެ. ތިން ދުވަހުން 5 ލައްކަ ރުފިޔާ ކުލީގެ ގޮތުގައި ލިބުނު ކަމަށް މަހުލޫފު ވިދާޅުވުމުން އެއީ ދުވާލެއްގެ މައްޗަށް 166,666ރ އެވެ.
މަހުލޫފްވެސް ދޮގެއްހެދިއްޔަވާނީ ދޮގަކަށް