މާޒިޔާ ސްޕޯޓްސް އެންޑް ރެކްރިއޭޝަން އިން ވިދިވިދިގެން 3ވަނަ ފަހަރަށް ދިވެހި ޕްރިމިއާ ލީގު ކާމިޔާބުކޮށްފިއެވެ.
މާޒިޔާއިން ދިވެހި ލީގު ޗެމްޕިއަންކަން ހޯދީ މިއަދު ހަވީރު ދަ ގްރާންޑޭއާ ދެކޮޅަށް ކުޅުނު މެޗު 0-1 ގެ ނަތީޖާއަކުން ކާމިޔާބުކޮށްގެންނެވެ. މި މެޗުގައިފެނިގެންދިޔަ ހަމައެކަނި ލަނޑު އެޓީމަށް ކާމިޔާބުކޮށްދިނީ ޓާނާއެވެ.
ދިވެހި ޕްރިމިއާ ލީގުގެ އިތުރުން މާޒިޔާއިން ވަނީ މި ސީޒަނުގައި ޗެރިޓީ ޝިލްޑްވެސް ކާމިޔާބުކޮށްފައެވެ. އެޓީމަކީ ހަތަރު ފަހަރާއެކު ޗެރިޓީ ޝިލްޑްކާމިޔާބުކޮށްފައިވާ ހަމައެކަނި ޓީމެވެ. މިއީ 2016 ވަނަ އަހަރުގެ ލީގާއެކު މާޒިޔާއިން ހޯދި ހަތަރު ވަނަ ލީގު ކަމަށްވާއިރު، އެޓީމުން ވަނީ 2017 ވަނަ އަހަރުގެމާލޭ ލީގުވެސް ހޯދާފައެވެ.
