މެންބަރު ސެމްބެ ސަރުކާރަށް: އަޒާން އެއް ތިގޮތަކަށް ނުހުއްޓުވޭނެ

”ދިޔަރެސް“ ނޫހުގެ ކޯ ފައުންޑަރ އަހުމަދު އަޒާން އަކީ ހިތްވަރުގަދަ ނޫސްވެރިއެއް ކަމަށާއި، އޭނާ ނުހުއްޓުވޭނެ ކަމަށް ވިދާޅުވެ ރައްޔިތުންގެ މަޖިލީހުގެ ފަރެސްމާތޮޑާ ދާއިރާގެ މެންބަރު ޙުސައިން މުޙައްމަދު ލަތީފް(ސެމްބެ) ސަރުކާރަށް ރައްދު ދެއްވައިފިއެވެ.

އާންމު ރައްޔިތުންނާއި ދައުލަތުގެ އިސްފަރާތްތަކުގެ ޒާތީ މައުލޫމާތަށް ހުއްދަނެތި އެކްސެސްވި ކަމުގެ ތުހުމަތުގައި ސުވާލު ކުރުމަށް މިއަދު އަޒާން ފުލުހަށް ހާޒިރު ކުރުމާއި ގުޅިގެން ސެމްބެ ވިދާޅުވީ އަޒާން އަކީ ސަރުކާރުގެ ކޮރަޕްޝަންތަކުގެ ވާހަކަތައް ރައްޔިތުންނާއި ހަމަޔަށް ތިލަކޮށް މިނިވަން ނޫސްވެރިކަން ކުރާ ގަދަ ބަދަވި ހިތްވަރުގަދަ ނޫސްވެރިއެއް ކަމަށެވެ.އަދި މިގޮތަށް އަޒާން ނުހުއްޓުވޭނެ ކަމަށް ވިދާޅުވެ ސެމްބެ ވަނީ ސަރުކާރަށް ރައްދު ދެއްވާފައެވެ.

@axanner akee gadha badhavi sarukaaruge corruption vaahaka thah Rayyithun ah thilakoh, minivan noosverikan kuran masakkaiy kuri hihvarugadha noos veri eh. Eyna eh thihothakah nuhuttuveyne.💪🏽 pic.twitter.com/4vGXZ4erZ0

— Hussain Mohamed Latheef (@HucenSembe) July 21, 2022

އައިޖީއެމް ހޮސްޕިޓަލްގެ އިހުމާލުން އެ ހޮސްޕިޓަލްގެ ޑާޓާ ބޭސްގައިވާ އެތައް ބައެއްގެ ސިއްހީ މައުލޫމާތުތައް ލީކުވުމާއި ގުޅިގެން އެ މައްސަލަ އައިޖީ އެމްއެޗާއި އަދި ކަމާއި ގުޅުންހުރި އިދާރާތަކަށް ރިޕޯޓް ކުރުމަށްފަހު އެކަމަކީ އައިޖީއެމްއެޗް ގެ އިހުމާލުން ހިނގިކަމެއް ކަމަށް ”ދިޔަރެސް“ ނޫހުން ރިޕޯޓް ކުރުމާއި ގުޅިިގެން ފުލުހުންގެ ތުހުމަތުތައް އަމާޒުވީ މައްސަލަ ރިޕޯޓުކުރި ނޫސްވެރިޔާ އަޒާން އަށެވެ.

އަދި މިކަމާއި ގުޅިގެން އަޒާންގެ މައްޗަށް ޖިނާއީ ތަހުގީގު ފެށުމާއިއެކު ނޫސްވެރިންނާއި އެތައް އާންމު ފަރާތްތަކުންވެސް ދަނީ ކަންބޮޑުވުން ފާޅުކޮށް ސަރުކާރަށް ނުރުހުމުގެ ބަސްތައް ރައްދު ކުރަމުންނެވެ.