އިސްލާމްދީން ހިމާޔަތް ކުުރުމަަށް ސަރުކާރު ކޯލިޝަންގައި ހިމެނޭ އަދާލަތު ޕާޓީ އިން ގިނަގުނަ މަސައްކަތްތަކެއް ކުރަމުންދާކަމަށް ވިދާޅުވެ އެޕާޓީގެ ލީޑަރު އަދި މިސަރުކާރުގެ ހޯމް މިނިސްޓަރު އިމްރާން މިފަހުން ކުރައްވަމުން ގެންދަވާ ޓްވީޓް ތަކާއި ގުޅިގެން އިމްރާން އަށް ޕީޕީއެމްގެ ނައިބު ރައީސް އަދި ނައިފަރު ދާއިރާގެ މަޖިލިސް މެންބަރު އަހުމަދު ޝިޔާމް ރައްދު ދެއްވައިފިއެވެ.
ޝިޔާމް ވިދާޅުވީ މި ސަރުކާރުގެ 4 އަހަރު އިސްލާމްދީނަށް ފުރައްސާރަކޮށް ކީރިތި ރަސޫލާއަށް ހަޖޫ ޖަހަމުންދާއިރު އަދާލަތު ޕާޓީ އޮތީ ސަރުކާރުގައި އެލިގަނެގެން ހިމޭނުން ކަމަށެވެ.
އިމްރާން ދައްކަވަމުންދާ ވާހަކަ ތަކާއި ގުޅުވައި ޝިޔާމް އިތުރަށް ވިދާޅުވީ އަދާލަތު ޕާޓީ އަކީ ދެތިން މީހުންގެ މަންފާއަށް ގެންގުޅޭ ނަމެއްކަން އެންމެންވެސް ދަންނަ ކަމަށެވެ.
Sarukaarehgai eliganegen onnathaa 4 aharu. Islam dheenah furassarakoh Rasool ﷺ ah hajoo jehi iru Adhaalath himeynun. Thee 2-3 meehehge manfaa ah gengulhey namehkan emmen dhaney. 2023 kairivaathee party ah vagah memberun hamakohgen thimannaa eba hurikan angan thiya kehenee karu. https://t.co/d5m1Lxsef0
— Ahmed Shiyam (@Shiyamaldives) July 16, 2022
މިއާއިއެކު ޝިޔާމް ވަނީ އިމްރާން މަސައްކަތްކުރަމުން ދަނީ 2023 އަންނަންވާއިރަށް އަދާލަތު ޕާޓީއަށް ވަގަށް މެންބަރުން އިތުރުކޮށް އިމްރާން އަކީ ހުރިމީހެއްކަން އެންގުމުގެ ގޮތުން ކަމަށް ވިދާޅުވެފައެވެ.
”2023 ކައިރިވާތީ ޕާޓީއަށް މެންބަރުން ހަމަކޮށްގެން ތިމަންނާ އެބަހުރިކަން އަންގަން ތިޔަ ކެހެނީ ކަރު.“ ޝިޔާމް ވިދާޅުވިއެވެ.
އިމްރާން މިފަހުން ކުރައްވަމުން ގެންދަވާ ޓްވީޓް ތަކާއި ގުޅިގެން ގިނަ ބައެއްގެ ފާޑު ކިޔުންތައް އިމްރާނަށާއި، އޭނާނިސްބަތްވާ އަދާލަތު ޕާޓީއަށް ވަނީއަމާޒުވެފައެވެ.
