ޔޯގާ ހަރަކާތް ހުއްޓުވުމުގެ ޒިންމާ ޝެއިޚުން ނަގަން ޖެހުމުން ޝެއިޚް މޫސާ ފިކުރީގެ ސުވާލެއް އިމްރާނަށް

1 މެއި 2015 (މޭޑޭ) ގެ މުޒާހަރާގެ ބައިވެރީންގެ އަމަލުތަކުގެ ޒިންމާ އެ މުޒާހަރާ ލީޑު ކުރެއްވި އަދާލަތު ޕާޓީގެ ރައީސް އިމްރާންް ނަންގަންވަން ޖެހިވަޑައިނުގެންފައި މިދިޔަ ޖޫން މަހުގެ 21 ވަނަ ދުވަހު ބޭއްވި ޔޯގާ ހަރަކާތް ހުއްޓުވަން ނިކުތް ޝެއިހުން އެހެންބަޔަކު ހިންގި ހަމަނުޖެހުމެއްގެ ޒިންމާނަގަން ޖެހުން އެއީ އަދުލް އިންސާފުތޯ ދީނީ އިލްމުވެރިޔާ އައްޝެއިހް ހަސަން މޫސާ ފިކުރީ ސުވާލު ކުރައްވައިފި އެވެ.

ޝެއިޚް މޫސާ ފިކުރީ ކުރެއްވި ޓްވީޓް ވަނީ މޭޑޭގެ މުޒާހަރާގެ ބައިވެރިންގެ އަމަލުތަކުގެ ޒިންމާ އިމްރާން ނަންގަވަން ޖެހިވަޑައިނުގެންފައި، ޔޯގާ ޑޭގެ މުންކަރާތް ހުއްޓުވަން ނުކުތް ޝެއިޚުން އެހެން ބަޔަކު ހިންގި ހަމަނުޖެހުމުގެ ޒިންމާ ނަގަންޖެހުން އެއީ އަދުލު އިންސާފުތޯ އިމްރާން އާއި ސުވާލު ކުރައްވާފައެވެ.

މިއާއިއެކު އޭނާ ވަނީ އަނިޔާވެރިކަމަކީ ވަކިބަޔަކު ޖަލުގައި އޮތުމުން މެދުވެރިވާ ކަމެއްތޯވެސް ސުވާލު ކުރައްވާފައެވެ.

Maydayge muzahirage baiveringe amaluthakuge zimma @ShimranAb nangavan jehivadai nugenfai, yoga dayge munkaraithah huttuvan nikuiy sheikun, ehen bayaku hingi hama nujehumuge zimma nagan jehun, e e adhul insaafu tho? Aniyaverikamaki vaki bayaku jaluga othumun medhuveriva kameh tho?

— 𝐒𝐡𝐤 𝐇𝐚𝐬𝐬𝐚𝐧 𝐅𝐢𝐤𝐫𝐞𝐞 (@HassanFikree) July 16, 2022

އިސްލާމްދީން ހިމާޔަތް ކުުރުމަަށް ސަރުކާރު ކޯލިޝަންގައި ހިމެނޭ އަދާލަތު ޕާޓީ އިން ގިނަގުނަ މަސައްކަތްތަކެއް ކުރަމުންދާކަމަށް ވިދާޅުވެ އެޕާޓީގެ ލީޑަރު އަދިމި ސަރުކާރުގެ ހޯމް މިނިސްޓަރު އިމްރާން މިފަހުން ކުރައްވަމުން ގެންދަވާ ޓްވީޓް ތަކާއި ގުޅިގެން  ގިނަ ބައެއްގެ ފާޑު ކިޔުންތައް އިމްރާނަށާއި، އޭނާނިސްބަތްވާ އަދާލަތު ޕާޓީއަށް ވަނީ އަމާޒުވެފައެވެ.