ވެލާނާ އިންޓަނޭޝަނަލް އެއާޕޯޓު (ވީއައިއޭ) ގެ އައު ރަންވޭ އާއި ސީޕްލޭން ޓާމިނަލަކީ ދިވެހިރާއްޖޭގެ އިގްތިސާދުގެ ކުރިއެރުންގެ ގޮތުގައި މޯލްޑިވްސް އެސޯސިއޭޝަން އޮފް ޓުއަރިޒަމް އިންޑަސްޓްރީ (މަޓީ) އިން ސިފަކޮށްފިއެވެ.
ވީއައިއޭގެ އައު ރަންވޭ އާއި ސީޕްލޭން ޓާމިނަލް ރަސްމީކޮށް ބޭނުންކުރަން ފެށުމާއި ގުޅިގެން މަޓީއިން ނެރުނު ބަޔާނެއްގައި ބުނީ ކުރިޔަށް އޮތް ތަނުގައި ރާއްޖެއަށް އަންނަ ފަތުރުވެރިންގެ އަދަދު އިތުރުވެ ފަތުރުވެރިކަމުގެ ސިނާއަތް އިތުރަށް ފުޅާވެގެންދާނެ ކަމުގައެވެ.
Official opening of new Code-F runway and seaplane terminal at @VelanaAirport #Maldives
Read more: https://t.co/vwKuEJqdF3
Photo credits: @MACLmedia pic.twitter.com/8XpiK01K3b
— Maldives Association of Tourism Industry (@matimaldivesmv) October 10, 2022
ވީއައިއޭގެ އައު ރަންވޭ އަދި ސީޕްލޭން ޓާމިނަލަކީ އިދިކޮޅު ރިޔާސީ ކެނޑިޑޭޓް އަދި ކުރީގެ ރައީސް އަބްދު ޔާމީން އަބްދުލްގައްޔޫމުގެ ވެރިކަމުގައި އެއާޕޯޓު ތަރައްގީ ކުރުމަށް ފެއްޓެވި ބޮޑު މަޝްރޫއުގެ ތެރޭގައި ހިމެނޭ ދެ މަސައްކަތެވެ. އެ މަޝްރޫއުގެ ދަށުން އައު ކާގޯ ޓާމިނަލް އަކާއި ފިއުލް ފާމެއްގެ އިތުރުން ޑިއުޓީ ފްރީ އަށް ބޮޑެތި ބަދަލުތަކެއް އަންނާނެއެވެ.
