މަޖިލިސް ރައީސް މުހައްމަދު ނަޝީދު ނަފްރަތުގެ ބިލުގެ ދިފާއުގައި ތެދުވެއްޖެއެވެ. ގާނޫނުލްއުގޫބާތު އިސްލާހުކުރުމަށް ތުޅާދޫ ދާއިރާގެ މެންބަރު ހިސާން ހުސެން ހުށަހަޅުއްވާފައިވާ ބިލާ އެއްގޮތަށް މުސްލިމަކު ކާފަރު ކުރުން ނުވަތަ ސިފަކުރުން އަދި ތުހުމަތުކުރުން އެއީ ކުށެއް ކަމަށް ކަނޑައެޅުމަށް ސޮއިކުރަން ފަށާފައިވާ ޕެޓިޝަނެއް ނަޝީދު ވަނީ ތާއީދުކުރައްވާފައެވެ.
Please sign the petition supporting criminalising hate crimes and labelling peoplehttps://t.co/QzxTOMgejh
— Mohamed Nasheed (@MohamedNasheed) June 19, 2021
މި ޕެޓިޝަން ޓްވީޓް ކުރެއްވުމަށްފަހު ނަފްރަތު އުފެއްދުމަކީ ޖިނާއީ ކުށެއް ކަމަށް ކަނޑައެޅުމަށް ޕެޓިޝަނުގައި ސޮއި ކުރުމަށް ނަޝީދުވަނީ އެދިވަޑައިގަންފައެވެ. އެ ޕެޓިޝަނުގެ ބޭނުމަކީ މީހުންނަށް ލާދީނީ އަދި ކާފަރަށް ގޮވުން ހުއްޓުވުންކަމަށް ބުނެފައި ވެއެވެ.
ނަޝީދު މި ޕެޓިޝަނަށް ތާއީދުކުރައްވާފައި މިވަނީ ނަފްރަތުގެ ބިލް މަޖިލީހުން ބޭރުކުރުމަށް 101 ދީނީ އިލްމުވެރިޔަކު ސޮއި ކުރަށްވާ، ރައީސް އިބްރާހީމް މުހައްމަދު ސޯލިހަށް ޕެޓިޝަނެއް ހުށަހަޅާފައިވާ ދަނޑިވަޅެއްގައެވެެ.
