ޤައުމު ފަސާދަވެ ހަލާކުވެ ނުދަނީސް އެމްޑީޕީ ކިބައިން ޤައުމު ސަލާމަތްކުރަން ޖެހިއްޖެ ކަމަށް މާލެ ސިޓީގެ ގަލޮޅު ދެކުނު ދާއިރާގެ ކައުންސިލަރު އިބްރާހިމް މުޙައްމަދު (އިބުޓީ) ވިދާޅުވެއްޖެއެވެ.
އެމްޑީޕީގެ ރައީސް މުޙައްމަދު ނަޝީދުގެ ކޮއްކޮ ނާޒިމް ސައްތާރު ހައްޔަރުކުރަން ގޮވާލައި ކުރެއްވި ޓްވީޓެއްގައި އޭނާ ވިދާޅުވީ ބޭރުފުށުން ތިލަފަތެއްގެ ސިފަ ހުރިކަމަށްވިޔަސް އެތެެރެއިން އެމްޑީޕީ އަކީ ލާދީނީއްޔަތު ފަތުރާ ނުބައި ބަޔެއް ކަމަށެވެ.
އެހެން ކަމުން ޤައުމު ފަސާދަވެ ހަލާކުވެ ނުދަނީސް އެމްޑީޕީ ކިބައިން ޤައުމު ސަލާމަތްކުރަން ޖެހިއްޖެ ކަމަށާއި، ނާޒިމް ސައްތާރު ހައްޔަރު ކުރަން ޖެހޭކަމަށްވެސް އޭނާގެ ޓްވީޓްގައި ވިދާޅުވިއެވެ.
ޤައުމު ފަސާދަވެ ހަލާކުވެ ނުދަނީސް އެމްޑީޕީ ކިބައިން ޤައުމު ސަލާމަތްކުރަން ޖެހިއްޖެ. ބޭރު ފުށުން ތިލަފަތެއްގެ ސިފަ ހުއްޓަސް އެތެެރެއިން މީ ލާދީނީއްޔަތު ފަތުރާ ނުބައި ބަޔެއް. #ArrestNazimSattar pic.twitter.com/l8kSf96wdI
— Ibrahim Mohamed (@ibrahim_ibuty) June 28, 2022
ނާޒިމް ސައްތާރު ހައްޔަރު ކުރުމަށް ގިނަބަޔަކު ވަނީ ސޯޝަލްމީޑިއާގައި #ArrestNazimSattar ހޭޝްޓެގް ބޭނުންކޮށް ކެމްޕޭނެއްވެސް ފަށާފައެވެ.
އެހެންނަމަވެސް ދާދި ފަހުން ފުލުހުން ބޭއްވި ނޫސްވެރިންގެ ބައްދަލު ވުމުގައި އެސިސްޓެންޓް ކޮމިޝަނަރ އޮފް ޕޮލިސް (އޭސީޕީ) މުހައްމަދު ރިޔާޒް ވިދާޅުވީ ނާޒިމް ސައްތާރު ހައްޔަރުކުރަން ޖެހޭ ޤާނޫނީ ސަބަބެއް ނެތްކަމަށެވެ.
މިއާއި އެކު ގިނަބަޔަކު ދަނީ ފުލުހުންގެ މުއައްސަސާ އަށާއި، ސަރުކާރަށް ފާޑުކިޔައި ނުރުހުން ފާޅުކުރަމުންނެވެ.
ގައުމުގެހާލަތު ކަނުއަނދިރިގަނޑަކުން ސަލާމަތްކޮއް ތަރައްގީއާއި ކުރިއެރުން ގެނެސްދިން ޕާޓީއަކީ އެމް،ޑީ،ޕީ ކަމުން ދިވެހިރާއްޖޭގަ ފުރަތަމަ އުފެއްދި ސިޔާސީ ޕާޓީގެ ހައިސީޔަތުން ދިވެހި ގިނަ ރައްޔިތުންގެ ތާއިދުއޮތީ އެމް،ޑީ،ޕީ އައް ކަމުން މަނިކުފާނު ތިދައްކަވަނީ ތާކުންތާކުން ނުޖެހޭ ކޮސްވާހަކަ..
އަދި މިނޫހުން މިސަރުކާރާއި އެމް،ޑީ،ޕީ ދެކެ ކިތައްމެރުޅިއަޔަސް މިހެން ގޮވާ ކޮސް ޙަބަރެއްގެ ސިފައިގަ ގެނެސްދޭނީ ހަމައެކަނި މިނޫހުން…