ޕީޕީއެމްގެ އެކްޝަން ކޮމެޓީގެ ޗެއަރ އަދި ހޯރަފުށީ ދާއިރާގެ މެންބަރު މުހައްމަދު އިސްމާއިލްގެ ބަންދުގެ މުއްދަތު އިތުރު ކޮށްފިއެވެ.
މިމަހުގެ 21 ވަނަ ދުވަހު ގަލޮޅު ދަނޑުގައި އޮތް ޔޯގާ ހަރަކާތް ހުއްޓުވި މައްސަލައިގެ ތުހުމަތުގައި މުހައްމަދު ފުރަތަމަ ބަންދު ކުރީ 5 ދުވަހަށެވެ. އޭނާގެ ބަންދުގެ މުއްދަތު މިއަދު ކްރިމިނަލް ކޯޓުން ވަނީ 9 ދުވަހަށް އިތުރުކޮށްފައެވެ.
މުހައްމަދު އާއި އެއްކޮށް ހައްޔަރު ކުރި ޕީޕީއެމްގެ ކައުންސިލް މެންބަރު އިބްރާހިމް ރަޒާން (ޓަކީ) ވަނީ މިއަދު ދޫކޮށްލާފައެވެ.
މި މައްސަލައިގައި މުހައްމަދުގެ އިތުރުން ޖުމްލަ 21 މީހަކު ފުލުހުން ވަނީ ހައްޔަރުކޮށްފައެވެ.
